Markmið Orkufjarskipta er að veita góða þjónustu með öryggi, áreiðanleika og hagkvæmni að leiðarljósi. Til að mæta markmiðinu leggur félagið áherslu á:

• Örugga miðlun upplýsinga til viðskiptavina um rekstur fjarskiptakerfisins.
• Virkt eftirlit og ábyrga umsjón með fjarskiptakerfinu.
• Skilvirka innleiðingu nauðsynlegra úrbóta.
• Hagkvæmni við uppbyggingu og rekstur fjarskiptakerfisins.
• Nýtingu auðlinda með sjálfbærni í huga.
• Miðlun þekkingar og fræðslu til starfsmanna.

Rekstur og viðhald á vegum Orkufjarskipta tryggir að tiltækileiki fjarskiptaþjónustunnar sé ávallt í samræmi við viðmið þjónustusamninga. Starfsmenn Orkufjarskipta búa yfir mikilli reynslu í rekstri og viðhaldi fjarskiptakerfa á landsvísu og eru reiðubúnir að bregðast við hvenær sem er sólarhringsins, allt árið um kring. Fyrirbyggjandi viðhald er skipulagt með reglubundnum eftirlitsferðum á hverju ári þar sem starfsmenn meta ástand fjarskiptakerfisins, gera tillögur um úrbætur og sinna nauðsynlegu viðhaldi þegar á þarf að halda.

Orkufjarskiptum hf. er heimilt að leigja fyrirtækjum með fjarskiptaleyfi frá Fjarskiptastofu umframforða sinn af ljósleiðarasamböndum.

Frá og með 1. janúar 2023 tekur gildi eftirfarandi verðskrá á leigu á ljósleiðurum Orkufjarskipta.

Vegalengdir miðast við loftlínu milli tengistaða. Miðað er við að ekki þurfi að gera breytingar á streng. Ef gera þarf breytingar þá bætist við efnis-, tíma- og tækjakostnaður í samræmi við umfang breytinga. Að öðru leiti er ekkert stofn- eða upphafsgjald vegna leigu. Öll verð eru án VSK.

Leigugjald fyrir ljósleiðaraþræði í streng er eftirfarandi:

1 þráður: 6.801

Leigugjald skal greitt fyrirfram fyrir þrjá mánuð í senn.