Verkefnið hófst í júlí og lauk í september 2020. Með lagningunni kláraðist tæplega 16 km áfangi á leiðinni milli tengivirkjanna í Hrútatungu í Hrútafirði og Vatnshamra í Borgarfirði.  Ástæða lagnarinnar er m.a. að tvítengja tengivirkin með ljóslögn og auka þar með raforkuöryggi þessara staða og landshluta.

Hönnun lagnaleiðarinnar var í höndum Orkufjarskipta. Þegar fyrir lá samþykki landeigenda, umsagnir Umhverfisstofnunar, Minjastofnunar, Hafrannsóknastofnunar og Veiðifélags Norðurár, heimild Fiskistofu, samþykki forsætisráðuneytisins og samþykki Vegagerðarinnar, var framkvæmdaleyfi Borgarbyggðar veitt í desember 2019, en vegna umhverfisskilyrða á verkstað var ekki hægt að hefjast handa fyrr en í júlí 2020.
Steypustöð Skagafjarðar sá um jarðvinnu í verkefninu.

Myndirnar eru teknar við framkvæmdir í Norðurárdal sumarið 2020.

Birt 2. desember 2020.

Lagningu ljósleiðara Orkufjarskipta í Berufirði er lokið

Verkefnið hófst haustið 2019 þegar ljósleiðari var lagður frá tengistað Orkufjarskipta við bæinn Núp að tengistað sæstrengs yfir Berufjörð í landi Þiljuvalla. Framkvæmdir hófust að nýju þegar öll leyfi lágu fyrir í september 2020. Vinnu við landtengingu tengivirkis Landsnets á Teigarhorni  og  við tengistað  sæstrengsinn við Hellisvík lauk 10. Október. Beðið var eftir réttum veðurskilyrðum og var sæstrengurinn síðan lagður þann 13. október og gekk það verk að óskum.  

Hönnun lagnaleiðarinnar var í höndum Orkufjarskipta. Þegar fyrir lágu ákvarðanir Skipulagsstofnunar um matsskyldu, samþykki landeigenda, Samgöngustofu, Vegagerðarinnar, verkleyfi Landsnets, ásamt jákvæðum umsögnum Minjastofnunar, Umhverfisstofnunar, Fiskistofu og Heilbrigðiseftirlits Austurlands var framkvæmdaleyfi Djúpavogshrepps veitt í júní 2020. Einnig þurfti að mynda hafsbotninn á leið strengsins skv. tilmælum Minjastofnunar áður en strengurinn var lagður til að ganga úr skugga um mögulegar fornleifar. 

Í samvinnu við sveitarfélagið voru einnig lagðar nokkrar stofnheimtaugar á leið strengsins. Steypustöð Skagafjarðar sá um jarðvinnu í verkefninu en Sjótækni sá um lagningu sæstrengsins yfir fjörðinn.

Vinna við lagningu sæstrengsins í Berufirði.

Græna línan sýnir ljósleiðaralögn yfir Berufjörð að tengivirki Landsnets.

Birt 29. október 2020.

Óverulegar truflanir urðu á kerfi Orkufjarskipta á meðan óveður gengu yfir landið í desember og febrúar sl.

Viðbragðsáætlanir voru virkjaðar í bæði skiptin.

Fjöldi manns við hreinsun á tengivirki Landsnets í Hrútatungu (mynd birt með leyfi Landsnets).

Birt 25. febrúar 2020.

Í ljósi útbreiðslu COVID-19 veirunnar höfum við tekið fyrir allar óskipulagðar heimsóknir á skrifstofur okkar að Krókhálsi, til að draga úr smithættu og koma í veg fyrir að þjónusta okkar raskist.

Birt 13. mars 2020.

Framkvæmdir hófust í september 2017 og lauk í nóvember 2019. Með lagningunni er lokið tengingum annarsvegar frá tengistað Orkufjarskipta í Reyðarfirði að Ósi í Breiðdal, rúmlega 64 km leið og hins vegar í Berufirði frá Núpi að Þiljuvöllum um 9 km leið.